संघीय सरकारले सबै सरकारी कार्यालयमा विद्युतीय हाजिरी अनिवार्य गर्न निर्देशन दिएको भए पनि कतिपय स्थानीय तहमा हाजिरी रजिष्ट्रीमै हाजिरी गर्ने,त्यो पनि एक महिनाको हाजिरी एकै दिन लगाइने गरेको पाइएको छ ।

बिज्ञापन

संघीय मन्त्रालय गत वैशाखमै सबै मन्त्रालय, विभाग, कार्यालय, निकाय र ७५३ ओटै स्थानीय तहलाई कर्मचारीहरूको उपस्थितिको अभिलेखीकरणलाई व्यवस्थित बनाउन विद्युतीय हाजिरी प्रणाली अनिवार्य रूपमा कार्यान्वयन गर्न,प्रत्येक १५ दिनमा विद्युतीय हाजिरीको विवरण प्रिन्ट गरी, प्रमाणित गरेर सुरक्षित रूपमा अभिलेख राख्न निर्देशन दिएको भए पनि केही पालिकामा यस्को ठाडै उल्लंघन भइरहेको पाइएको हो । यस्तै भेटिएको हो,बैतडीको पुर्चौडी नगरपालिकामा ।
पालिकाको प्रमुख प्रशासकीय अधिकृत काठमाडौंतिर हिडेको मौका छोपी पालिकाको पाँचौं तहको कर्मचारीले साउन महिनाभरीको हाजिरी,साउन मध्यमतिर गरेको बिषय बाहिरिएको हो । बैतडीको पुर्चौडी नगरपालिकामा कार्यरत एक कर्मचारीले महिनाभरको हाजिरी एकैपटक गरेको खुलेसँगै सो बिषयमा छानबिन हुने भएको छ । पालिकाको शिक्षा, युवा तथा खेलकुद शाखामा कार्यरत प्राविधिक सहायक (पाँचौं तह) की कर्मचारी गीताकुमारी खड्काले साउन महिनाभरीको हाजिरी गरेको खुलेको हो ।